Jurnal Moris #1. Sadere ba Ema Seluk nia Matenek

 

 Ema balun gosta atu sadere ba ema seluk nia pozisaun, títulu ka matenek hodi fiar buat ruma no lakohi atu hanoin no tetu ho ninia hanoin rasik.

Ne’e la’os sala atu sadere bae ma seluk ne’ebé ita sente iha pozisaun, títulu ka matenek natoon atu sai hanesan referensia ba buat ruma ne’ebé ita fiar katak loos ka sala.

Maski nune’e, se ita garantia sadere de’it bae ma seluk nia pozisaun, títulu ka matenek atu fiar ka simu buat ruma katak loos ka sala lakohi hanoin no tetu rasik, ita lakon oportunidade atu uza ita nia kapasidade hanoin no tetu (lojika).

Ita ema ida-idak iha grasa fíziku ida mak kakutak. Kakutak iha kapasidade atu hanoin no tetu hamutuk ho ita nia kapasidade mental tulun ita oinsá ita haree mundu no hala’o moris. Hanoin no tetu mak prosesu ida ne’ebé presiza hakroat bebeik maibé dalabarak mos ema balun dehan hanoin no tetu ne’e mos halo ulun moras tamba tenki analiza opsaun hotu. Ema barak hili atu hanoin simples no hetan solusaun simples. Sadere ba seluk ne’ebé ita konsidera matenek liu ka hatene liu ne’e la sala maibé keta husik ita nia an atu sadere ka tebele liu bae ma seluk nia matenek no ita rasik lakohi hanoin no tetu rasik nune’e ita bele lakon idea ka matenek foun ruma ne’ebé ita dalaruma la hetan husi ema seluk ne’ebé ita konsidera matenek liu ne’e.