Buat 13 Ne’ebe Ema Mental Forte LA HALO (Parte 1)

Fonte: www.lifehack.org

Ema mental forte mak ema ne’ebe sempre buka atu fo esforsu didiak hodi dezenvolve kapasidade no potensial ne’ebe nia iha ona hodi atinji objektivu ne’ebe nia espera . Maski nune’e, esforsu ida ne’e rekere serbisu-makaas ho badinas no komitmentu hodi muda hahalok no habituasaun sira ne’ebe la ajuda atu dezenvolve nia an. 

Tuir Amy Morin, peritu fortaleza mental  rekuinesidu no lisensiadu hato’o katak atu sai ema ne’ebe iha mental forte la to’o de’it ho rona konselu katak ita tenki hanoin pozitivu de’it tamba buat hotu sei la’o diak. Maibe wainhira iha tempu hanesan  ita la fo esforsu hodi muda hahalok sira ne’ebe evita ita atu atinji ita nia potensial tomak, nune’e motivasaun ida ne’e sei la folin.  Rekuinese no troka hanoin sira ne’ebe mak la saudavel, hahalok  no sentimentu sira ne’ebe bele estraga ita nia  esforsu sira mak sai xavi atu harii mental ne’ebe forte.

Tuir mai mak lista buat 13 ne’ebe ema mental forte LA HALO nudar haktuir husi Amy Morin iha fonte Psychology Today:

1. Gasta Tempu hodi Fo sala ba an rasik.

Moris ne’e sei la sees husi problema no difikuldade oioin, maibe ne’e laos katak ita tenki fo sala ita nia an tamba ne’e hanesan opsaun ida. Wainhira ita hasoru difikuldadi ka problema ruma, fo sala-an sei la hadia problema ne’e. Se ita fo sala-an bebeik wainhira buat hotu la’o ho aat liutan, treina ita nia kakutak atu troka fo  sala-an ba gratitude. Ema mental forte la estraga sira nia tempu atu atu hanoin ba problema maibe foka atu oinsa bele kria solusaun 

2. Husik hela ninia poder

Dalaruma sai fasil atu fo sala ema seluk ba ita nia problema ka situasaun. Wainhira ita dehan “Nia halo ha’u senti aat loos ho ha’u nia an” sei fo kbiit/poder ba ema ne’e. Foti fali ita nia kbiit/poder hodi simu responsabilidade oinsa ita hanoin, senti no hala’o. Hakbiit ita an rasik mak komponente esensial atu harii mental ne’ebe forte hodi kria moris ne’ebe ita hakarak.

3.  Moe ba mudansa

Maski sai furak no seguru ba ita atu moris iha ita nia zona komfortu (Comfort Zone), hasees an husi dezafiu foun sira sei sai obstaklu boot atu hatomak no hariku ita nia moris. Aprende atu buka hatene hori bainhira mak ita hasees an husi mudansa tan diskomfortu ruma (la haksolok) sei sai nudar pasu dahuluk iha ita nia viajen  naruk atu hadia moris. Wainhira ita bele tolera liutan ita nia sentimentu inkomfortavel (la haksolok) ba mudansa ruma (ez: buka serbisu foun ka hakotu relasaun ne’ebe la saudavel) – ita nia fiar-an mos sei sa’e makaas hodi kria ita nia futuru.

4.   Gasta enerjia ba buat ne’ebe sira la bele kontrola

Dalabarak ita preokupa liu ba buat hotu ne’ebe la’o la loos. Nu’udar ema hateten, ita envez foka atu prepara-an ba rai lakan ne’ebe atu mai maibe ita gasta enerjia fali hodi hein husu deit atu rai-lakan ne’e  la bele mai. Se ita uza ita nia enerjia ba buat ne’ebe ita bele kontrola, ita sei sai preparadu liutan ba saida de’it mak sei mosu iha ita nia moris. Fo atensaun ba tempu wainhira ita gasta ona ita nia enerjia ba buat ne’ebe ita la bele kontrola no foka enerjia ida ne’e ba buat ne’ebe produtivu liu.

5.  Preokupa atu halo kontente ema seluk

Ema barak hateten “Ha’u la preokupa ho saida mak ema koalia” maibe dalabarak ida ne’e hanesan mekanismu defensivu ida atu taka an husi laran-moras eh kanek  tan rejeisaun (ema la simu). Ema be gosta halo kontente ema seluk mosu iha forma oioin. Dalaruma ita bele nota sira husi do’ok iha tempu ruma, sira nia tauk atu halo hirus ema seluk kuda metin ona iha laran. Halo no hateten buat ruma ne’ebe karik sei la tuir hakarak presiza korajen duni, maibe moris ho loloos no otentiku sei rekere ita atu moris tuir ita nia valor rasik maski ita nia hilin ne’e la popular.

6.  Tauk atu foti risku ne’ebe kalkula tiha ona

Ita halo tiha opsaun bara-barak iha ita nia moris loro-loron maibe ita konsidera de’it risku kiik-oan atu foti. Ita sempre hili buat ruma tamba bazeia deit ba ita nia emosaun maibe la bazeia ba risku ne’e nia nivel rasik. Halo desizaun bazeia ba ita nia nivel tauk nian la’os dalan ne’ebe forte atu kalkula risku sira. Emosaun sira dalabarak  irasional (la loos) no la bele garante. Ita sei la sai kapas wainhira la foti risku no aprende oinsa kalkula risku ho didiak hodi garante katak ita halo ona opsaun ne’ebe diak liu hotu.

Fonte: Psychology Today

https://www.psychologytoday.com/blog/what-mentally-strong-people-dont-do/201501/13-things-mentally-strong-people-dont-do?utm_source=FacebookPost&utm_medium=FBPost&utm_campaign=FBPost